close
| |||
| 
| ||
| |||
| 
| ||
|
播左一半既森之愛情，終於嚟到真正女主角既一集，此話何解？
有聽過廣播劇既朋友，應該知道王菀之包辦晒十集既聲音演出，有幾集劇名都係採用佢新碟既歌名，
而呢套「我的病人」就係廣播劇既第一集，之前無線個網頁，呢集個標題好似叫我的病人，
唔知點解又加埋「愛一次便夠」？或者係Diodio大懵記錯卦...但睇電視果陣，
佢都只係用番「我的病人」，奇怪...（好心唔好講咁多廢話，呢D小問題駛乜深究呀！）
 聽過廣播劇，睇電視版就相對失色，廣播劇入面，森美呢個醫生透過自己既心聲，
話俾聽眾知佢日久生情，不知不覺愛上左佢既病人，但電視版好似只交代佢地一開始已經係情侶，
而廣播劇形容佢地用幻想去旅行，由於冇畫面關係，聽眾既聯想空間亦較大，
總好過電視製作既肉酸動畫（我都知成本問題，唔可以要求咁多...），
 而廣播劇中王菀之死後，森美帶埋佢隻公仔（阿Jaw）真係去左巴黎旅行，發現巴黎係冇摩天輪，
跟住就播埋王菀之首歌，感覺個故事較為圓滿（我唔知有冇記錯，歡迎指正），
 可能你地會話成套劇得半個鐘，邊交代到咁多野呀？冇錯...咁好心套劇唔駛搵張敬軒和陳法拉客串，
出場一陣，對個故事亦冇乜幫助，純粹友情客串，咪白白浪費左上半節既時間囉...
 反而劇中王菀之有句對白:「我本來唔怕死，但識左你（森美）之後，我就唔想咁快離開呢個世界！」
（句野大概意思係咁，未必百份百準確）呢段說話又幾值得令人反思細味，
當一個樂觀積極既人，連死都唔怕，但因為生命中出現左另一個重要既人，令到佢有所留戀，
產生左一份依依不捨既痛苦，心態某程上度係「灰」左，咁...究竟係好事定係壞事？
當然，有生之年可以談一場轟轟烈烈既戀愛，梗係好事，但如果放入森美既角度，
佢面對自己既病人兼至愛離開，從此永別，果份錐心之痛或者係一段時間，亦可能係一生一世，
 其實愛亦難，不愛亦難，每件事分享過快樂既過程，同樣要有心理準備接受悲痛既時刻，
冇苦冇樂既人生，又有乜野意思呢？（車，好行貨既答法呀，鬼唔知咩）
 睇完套劇後，唔係浮現出王菀之既歌，反而係陳奕迅既「人來人往」，我都唔知點解？
 |
曲：陳輝陽 詞：林夕 編曲/監製：陳輝陽
朋友已走 剛升職的你舉杯到凌晨還未夠 用盡心機拉我手
纏在我頸背後 說你男友有事忙是借口 說到終於飲醉酒
情侶會走 剛失戀的你哭乾眼淚前來自首 寂寞因此牽我手
除下了他手信後 我已得到你沒有 但你我至少往後 成為了蜜友
閉起雙眼你最掛念誰 眼睛張開身邊竟是誰
感激車站裡 尚有月台能讓我們滿足到落淚
擁不擁有也會記住誰 快不快樂留在身體裡
愛若能夠永不失去 何以你今天竟想找尋伴侶
誰也會走 剛相戀的你先知我們原來未夠 借故鬆開我的手
藏在貼紙相背後 我這苦心開過沒有 但試過散心旅遊 如何答沒有
閉起雙眼我最掛念誰 眼睛張開身邊竟是誰
感激車站裡 尚有月台曾讓我們滿足到落淚
擁不擁有也會記住誰 快不快樂有天總過去
愛若為了永不失去 誰勉強娛樂過誰
愛若難以放進手裡 何不將這雙手放進心裡
時間會走 剛失戀的我開始與旁人攜著手 但甚麼可以擁有
纏在那頸背後 最美麗長髮未留在我手 我也開心飲過酒
|
後記：上星期朋友阿蕉問我有冇睇阿笨與阿占？我答有睇，星期日睇緊時諗起佢個名，
套用入去就變左「阿笨與阿蕉」，省略之後咪變左「笨蕉」！XD~~~~
 |
全站熱搜
留言列表
