dio dio的部落格

 哇！呢個標題真係下流賤格，同本人係咪非常匹配呢？

 咳咳，講番正題，對於Diodio呢類終年留喺公司嘅人，

 農曆新年係唯一嘅假期，留守到年三十，終於可以返屋企長眠一番，

 由於小弟家在銀河系第八十行星，長期絕水絕糧，

 所以豬年最後一餐要食飽D，以備連續多日捱飢抵餓，

 食乜好呢？有啦，一於去叫雞－－

 我叫咗個家鄉雞筒餐，喺公司一個人狼吞虎嚥賀晚年，

 兩個飯、兩支栗米、兩個薯蓉、一客薯圈、兩支汽水再加九件雞，

 哇！食到第五件雞已經想反胃，飽到上心口，都係隔多一陣再掃埋佢...

 除此之外，點少得大量零食做儲備－－

 十幾蚊一大包旺旺仙貝，仲送埋利是封同揮春，好娘呀~~

 細個好鍾意食嘅積及朱古力，由於環保關係，已經由鐵盒改做紙盒~~

 （喂，好似係戰前時候嘅事，Diodio你係乜嘢年代架？）

 盒就大大個，但裡面只得十條，而且食唔番細個嘅味道，感覺太甜啦~~

 仲有Kit Kat朱古力，送埋Hello Kitty Match Card（好明顯係貪小便宜）~~

 當然唔少得我至愛嘅薯片，另加紳士牌花生（食完變"周紳士"）~~

 個雞餐有兩樽七喜，溝埋Gin酒飲就Very good啦~~

 做咗隻飽鬼，就可以安心上路，我架飛船就喺公司出發，擺咗去邊呢？

 呢度？唔係....係公司嘅三個微波爐.....

 大佬，呢個水機嚟架....

 唉，呢舊嘢用嚟裝梘液喎...

 夠啦夠啦，呢個叫水龍頭，醒少少得唔得？

 你....你哋飲唔飲汽水呀？我請......

 喂喂，呢度係雞尾老師遺址，人去房空，佢帶漏咗老婆"綾波麗"張相~~

 咦，好似搵到條燃料輸送管（公司洗手盤）~~

 仲搵到個引擎啦（公司花灑）~~

 Yeah!!!見到個發射掣，準備起飛~~

 各位，我架私人飛船係咪好宏偉呢！（黐線！低能！變態！）

 我嘅同鄉，一齊上路，如果有睇死亡筆記就知佢係"死神流克"~~

 由於身處窮鄉僻壤，與世隔絕，小弟有一段時間冇得上網，

 期間唔可以探望大家，亦回覆唔到，無奈暫別一段日子，

 （眾人熱烈拍掌中，心諗Diodio最好唔好返嚟，遺害人間）

 大家新年樂得清靜，唔會再俾我激親了~~

 本來天寒地凍，露宿星球，幾個紙皮箱擋唔到嚴寒冷風，

 仲想叫大家夾錢送副棺材俾我暖身，可惜訂造需時，趕唔切啦，

 唯有入土為安，希望瞓得眼閉~~

 （啋！新年流流仲講埋呢d唔吉利嘅說話，正一變態佬~~

 哈哈，所有衰運霉氣交晒俾我，咁你哋全年就好運平安囉，咁都唔明？）

 好啦，架飛船洪洪聲，我要起程上路啦，返嚟再滋擾你哋，bye bye!!!

 （我雖然去咗，但精神仍然長留各位嘅噩夢之中~~）

 祝大家新年快樂，一見發財~~XD~~~